كلمات امي العظيمة

أحلى حروف الكلام لما بقول ياما انتي الدفا والحنان والحضن
واللمة فين الحنان اللى يتساوي بحنانك فين
يا غالية عندي يا أمي يا أغلى من نن العين
قلبي اللى حبك يا أمي أنا بتمني يكون قلبين
لو عشت تحت رجلك عمري ما أوفي الدين
يامااا يامااا ياماااااا يامااا

وفي كلامها معايا بتهون عليا
وفي صلاتها كل ليلة بتدعي ليا
اللى واخدة بالها مني طول سنيني
واقفة جنبي عمري كله وبتراعيني
أمي طبعا أجمل الستات في عيني
هيه السبب في كل حاجة وصلت ليها
مديون لها بحياتي وبكل اللى فيها
هيه اللى ربي واللى علم واللى كبر

امي العظيمة فخور عشان تربية ايديها