كلمات هو اللي نسيني
✍️ كلمات: جمال الخولي
🎼 ألحان: محمد خلف
ف الاول قولت هاترجعلى
او هرجع بعدك م الاول
قولت يا هاتحن يا ف الغالب
هنساك ومشاعرى هتتحول
مقلقتش عكس م انا الليله
قلقانه بدور على حيله
على اي طريقه تنسينى
الخوف م الوضع ده لو طول
هو اللي نسينى ومش فاكر وانا مش بنساه
مابجيش على باله وعلى بالي انا كان العكس
يا خساره بيجري من الماضي وانا بجري وراه
هو اللي بيضحك وانا بضحك على روحي وبس
عدوا الايام يوم ف التاني
وانا لسه وحيده وبتالم
وما بيني وبيني بقول لازم
هاتحس لايمكن تتحمل
شكلي اتغريت فيا يوميها
ضيعتك مني وبعديها
انا ضعت ياعالم هالاقينى
ازاي و ازاي بس هكمل
هو اللي نسينى ومش فاكر وانا مش بنساه
مابجيش على باله وعلى بالي انا كان العكس
يا خساره بيجري من الماضي وانا بجري وراه
هو اللي بيضحك وانا بضحك على روحي وبس