كلمات رضاك لـ

كيف عمري يالغلا بتخيله عمري بلاك
من عقب ما كنت لي شي بهالدنيا مديم

والله إنه خافقي يشكي من الفرقى عناك
كل ما أذهن ريتك بفكري من العالم تهيم

انته نبض القلب وشعوره ويا إحساسه معاك
وانته لي وسط الحنايا من سكن خلي مقيم

دون وصلك يالغلا كل دنيتي صارت هلاك
قمت أداري خافقٍ أمسى عقب وصلك سقيم

تدري إني لا رمشت أرحل بفكري في فضاك
وإن تبادى واقعي بين بي الجرح الأليم

والله إني ما طلبت إلا بهالدنيا رضاك
وإن شكيته ما شكيتك يالغضي والله العظيم

كنت أحسب إن المحبة عوق وأشواك وهلاك
لين ذقت الشوق وأصبح هو دوا العظم الرميم

خص لأشقى من الشوامس خافقك غر وهواك
ويلي الله دون حبه تسري الليل العتيم

وإن ترنم حس منطوقه من العالم حداك
صوب داره وازم يخاشر لك الضلع السليم

ويل حالي من عنى من له ببن شامس شباك
ساق عمره للمهالك لو هو بحبه ظليم

ساق عمره من وزا عسر المشاعر في فلاك
لي انكفت شفقه تحفى لو سحايبها رهيم

يا مشاعر قلب عاشق يا بعد هذا وذاك
لك تشرع كل ما به يا بعد من بك يهيم

اعبثي بعروق قلبي وانفضي عرشه بشذاك
واخلفي ضخ الخفوق وباري بيوفه ضريم

واستبيح ضلع أحمد واعرضي جاير سطاك
واسكني باقي الحنايا والله إنه لك مديم

يا جعل كل الخلايق يالغلا كلهم فداك
من يظن يعيض عقبك والله إنه عاد ضيم

انته لي شمعة دجايه مكتفي خلي بضياك
وانته لك عرش الخفوق وللمشاعر أنت غيم

عود لي بالوصل وارفق بالذي وده حواك
عود فرحة قلب عاشق مبتلي بحبك غريم

ما طلبه القلب منك منك خلي إلا غلاك
وإن عطيته جود وصلك وانته بوصفك كريم

شيلة رضاك – الوليد ال عامر
Redak – Al Waleed Al Amer

المزيد من أغاني الوليد ال عامر
البتريوت
وداع المحبين
بنت الأكابر
مثل القم
أحلام عمري