كلمات اول سعودي
🎼 ألحان: سهم
درعيه الامجاد والعز والخير
منها طلع للناس اول سعودي
مانع سكنها بعد طول المشاوير
ونادت غصيبه ياهلا بالجدودي
ورحب مليبيد الرخاء بالبواتير
وصارت بدايه حلم كله صعودي
نخليها كانت على العز تصوير
وجدرانها معنى لكل الصمودي
ديره هل العوجا القروم المناعير
لطامه العايل كعام الحسودي
محمد ابن سعود ساق التباشير
ارسى العدل واوفى بكل الوعودي
شبه الجزيره تحت حكمه طوابير
من الخليج الين الاحمر حدودي
كل العرب هلت بريف المعاسير
هذا الامام اللي بيروي الكبودي
من بادي الازمان وديارنا غير
حتى عدانا بالتقدم شهودي
محد علينا له جميل ومعاذير
الناس تنقص والسعودي يزودي
راياتنا فيها رساله وتحذير
دون الوطن والدين حنا جنودي
درعيه الامجاد والعز والخير
هالارض كانت ارض اول سعودي