كلمات خلها في القلب
✍️ كلمات: تركي ال الشيخ
🎼 ألحان: احمد الهرمي
خلها في القلب لا تسأل كثير
ورحت لا ترجع لي وكمل غياب
كل حاجة نكتشفها في الأخير
يوم ماكنا لها نحسب حساب
واللي ماعنده شعور ولا ضمير
مايفيد اللوم فيه ولا العتاب
افترقنا يعني وش ممكن يصير
دامها الدنيا ذهاب بلا إياب
و انتهى مابيننا الحب الكبير
ولا لقينا للسؤال أصلا جواب
انت في راحه و انا بعدك بخير
وانقفل مابيننا للحب باب
عش حياتك والعمر دربه قصير
والله أن يمرك مرور السحاب
والسراب الكاذب اف عز الهجير
يتعب الظامي ولكنه سراب
خلها في القلب لا تسأل كثير
ورحت لا ترجع لي وكمل غياب
كل حاجة نكتشفها في الأخير
يوم ماكنا لها نحسب حساب