كلمات سرى ليلي

سرى ليلي وانا ماني بساري
وانا في ضامري من النار واري
ذكرت ايام في بالي وراحت
عفتها الذاريات من الذواري
دخلني ياس لين انه تحكم
وصل منصب مديري الاستشاري
سرى ليلي وانا ماني بساري
وانا في ضامري من النار واري

افا يا من هويته من ضميري
عليك اللوم واضح وانت داري
وانا اللي تهت بين البين منك
ولا انته البايع ولا انته بشاري
انا فكر ولا فكري وصل بي
ولا ادري عن ديارك وين داري
سرى ليلي وانا ماني بساري
وانا في ضامري من النار واري

تراني واصل حدي وساكت
ولا بين جروحي وانهياري
عذولي لو يبا يمسك عليه
فلا يعلم يميني من يساري
لاني من حشى روحي احبك
وهذا من هوايه و اختياري
سرى ليلي وانا ماني بساري
وانا في ضامري من النار واري