كلمات مش بالساهل
مش بالساهل
نقابل حد يستاهل
زمن بيعلي في الجاهل
وبيرخص ولاد الناس
شوفتوا الخيبه
بقوا بيتباهوا بالعيبه
سلامه النيه دي مصيبه
مبتجبش الا وجع الراس
والطيبه بتترد بقسوه
ناس ياما بتطلع ولا تسوى
وميتعاشروش
يحترموك بس عشان قرشك
وعينهم بتبص في كرشك
مبيتكسفوش
عايشين الايام بالعافيه
مع خلق مريضه ومش صافيه
مبيتامنوش
الناس الصح خلاص قلوا
و المحترمين بقوا يتزلوا
لو مينافقوش
حتى الجدعنه بقي فيها نفسنه
وبقينا في وسط وحوش
ناس مرسومه
ضمررهم ده في سابع نومه
ده حتى النخوه معدومه
وكله يهون عشان المال
مهما تامن
هيطلعللك واحد خاين
تشوف شر في عينيه باين
وقله اصل واستغلال