كلمات عطايا الله

سبحان ربّي خالق سبع الأرواح
وربّ السّما والكون جلّ جلاله

منجي نبيّه نوح من بين الألواح
انجاه من وسط البحر مع عياله

لجل الشّناح الّي لها البال يرتاح
حرش الرّقاب الّي تسوق الرّحاله

جزل القصايد جاتها والفكر باح
والبل عطايا الله وساس الجزاله

يفخر بها الّي لا انتخى عزّ من طاح
شيخن يشيل الحمل هو لا ارتكاله

بين القبايل اسمه النّجم وضّاح
والكلّ به يفخر عسى العزّ فاله

لا جا التّحدّي نعدّها عندنا اسلاح
ويدحم بها الوافي على كلّ طاله

مركاضها بالشّوط به كلّ الأرباح
ومحد عليها شاف بالماد حاله

فيها ترى الوافي على الكلّ مجتاح
ومرخّص لها بالفعل حاله وماله

مركزها الأوّل دايم تلبس وشاح
وتستاهل النّوماس والمدح جاله

بين المطاياء كاسبه كلّ الأمداح
والفوز جاها من حلاها وجماله

تجلب لراعيها الفخر ويا الأفراح
وتعجبك بالميدان لا جا مجاله

ترفع لها البيضا على كلّ ملواح
ويوم وصلت للمجد كلّن دراله

شيلة عطايا الله – سلطان الشراري
Ataya Allah – Sultan Al Sharari

المزيد من أغاني سلطان الشراري
مقر الشرارات
بري حالي
الايام تجمعنا
ذكرى المحبة