كلمات ليلة التاريخ

حيو هل العوجا سلايل كحيلان
نسل الملوك أهل الوفا والشهامه
سلايل معزي ابن عبدالرحمن
نسل الامام اللي حكم في حسامه
يا ليلة التاريخ حنا بك الان
بين المعالي والسمو والفخامه
ليل جمع راسين من روس جدان
الله جمعهم بالكرم والكرامه
الحر ماجد في سما كل الأوطان
نور على ليل الزمان وظلامه

فيه الشجاعه والسطر والقرامه
ماجد كريم بالعطا طير حوران
ابوه عبدالله ولا به ملامه
تمطر يدين الخير بالخير هتان
سيل بعد ظل السحاب وغمامه
ابن الحصان اللي ظهر مثله حصان
يشبه ل أبوه بهيبته و احترامه
هو خادم البيتين في صدق وإيمان
عبدالله اللي بالسحايب مقامه
خواله الجربا على العز شيخان
شيوخ شمر معتلين الزعامه
التاج تاضي ما انجبت غير تيجان
الله وضعهم فوق الاسياد هامه

أبوها فيصل للمراجل علامه
بنت لها من جدها بالغلا شان
ترقى على عرش الدلال وسنامه
عبدالمجيد اللي اشتهر طيب وإحسان
الجود هو اللي سبق با اغتنامه
اخوان لكن غير عن كل الاخوان
المحزم اللي مايخلي حزامه
هي ليلة التاريخ في مر الأزمان
مامثلها حتى تقوم القيامه
ليلة فخر لو كنت بختار عنوان
ليل الشرف في مبتدأه وختامه