كلمات موعدش قلبك

موعدش قلبك اني هصفا لو هنرجع
ومفيش ضمان جوايا ان الحب باقي
الي اتعمل جرح اكتمل وعاش بيوجع
مبقش هرضا تاني ارضا بالبواقي

موعدش قلبك تاخدي تاني نفس المكان
مبقولش كارهك او نسيتك كل ده
حاجز ما بنا مانعني تاني ادي الامان
لحد سابني لوحدي طول الوقت ده

انا مش قماشه تشكليها علي احتياجك
انا مش مهدء ليكي يعدلك مزاجك
ولا نفسي عندي قليله عشان اعديهالك
حرمت انا علي نفسي اخطي ف المهالك
انا مش ضمانك كل وقت انا او متاح
او وضع صامت ليكي هفضل مستباح
علي قد ما حلمت ان اعيشلك او اطولك
ندمت على كل الي يوم قدمتهولك

بطلت اغمض كل عين بتشوف عيوبك
بطلت امشي واسيب ورايا الباب موارب
انا كنت باقي وانتمائي مشافش دونك
من بره انسانه و بلدغه عقارب

بطلت اشوف عيوبك وسط الناس مزايا
وبقيتي عندي كارت محروق ف المرايا
بطلت اعشم نفسي ان بكرا غير
انتي الي فيكي باقي فيكي للنهايه