كلمات سبق الفلاحي

في الوثبه الريس دشن وفتحو بابه
والكاس شله لذي متعود يشله
نفخر بسبق الفلاحي وانتباهى به
حاضر وماضي تواريخه يشهد له
كاس الانتاج الثنايا بو حمد يابه
جابه بفعل الذي ما جات مختله
حضر له الواصله من خيرت ركابه
لي لها عوايد تقود الشوط وتتله

تصمل لضغط المنافس وتحمله
من تسمع الضرب والصوت اتهايا به
تباعد وتاخذ الاول وتحتله
القاع ما كنها توطى على ترابه
يوم اقبلت مسرعه م الأرض مشتله
شقرا على الفوز والناموس طلابه
تسبق وتقضي على تيم الركض كله
لي معوده زعفران الشام تطلابه
في كل محفل وبرها مزعفر يبله
النادره لي وشاح الفوز تزهى به
يزهي عليها شعار النصر لي تشله

للشبل عادات والتتويج ضار له
يكسب رهان التحدي ويتبدى به
نوادره كل شوط صعب يرهله
سبقه ينومس جماهيره وقرابه
ويفرح هل العين وربوع الوطن كله
صفق له الزين يلي ناقش خضابه
والغرنجيات هنن له وغنن له