كلمات مضمر السرجوف

انا اعرف اسباب الوله و الولف والقلب الرهيف
يامضمر السرجوف واسباب الطعون وغيها
واعرف سبايب جوضة الخفاق واسباب الرفيف
اللي تولج عيني اليمنى وبعثر فيها

قلب الهواوي مايفز الا على طريا وليف
وعين الهواوي ماتشوف الا هواوي زيها
تضمى خطاوينا ويشربنا من اللهفة رصيف
ياللي معاليقي من اسبابك يباس شفيها

وارجي مواصيلك وانا قصدي من الفرقا شريف
ياطي حالي من سبب لاما عيونك طيها
ياعين شيهان على وكره على رجم منيف
ضرا قنانيصه على لطم المها وادميها

هبهبت في عمري مثل نو ونسناسه خفيف
تعال نسولف عن تباريح الغرام وريها
لك شمس بضلوعي ولك جنة وكل ظل وريف
وانا لي الله من هواجيس لعا قمريها