كلمات قبلة الزين
سلم على الشعر واحساسه وجمهوره
شالفايده كان مايرضي فخامتها
عند اذنكم بنفرد في وصف سنيوره
اطرب على صوتها واحب ضحكتها
هي قبلة الزين وقانونه ودستوره
من خصرها ل ثغرها ل اطراف شامتها
اليوسفيه له وسط الحشا ثوره
ياحظ سلسالها ويابخت ساعتها
ياشين دمعاتها ويازين بحتها
بنت الحسب والنسب والعز مخبوره
تطخ روس العرب من قو هيبتها
من حقها لو تصير البنت مغروره
امدلعه في كنف قومن تحامتها
متسيده فوق عرش الحسن وقصوره
متفرده بكل شي لبى انوثتها
سنعه وظفره وبعض احيان مطيوره
عنقا برستيجها يفرض بداوتها
بنتن تغيض القمر وتغيب حضوره
بنتن يذوب الكرز من سحر طلتها
تضيع حلو السوالف عند شفتها
عن كل ماصار واللي يصير معذوره
طفله ياحظ الهبوب الليا تقفتها
اجمل من الورد والبستان وزهوره
ياشين دمعاتها ويازين بحتها
اسلم وسلم وهز الغصن وطيوره
وبلغ تحياتي الجزله ل فاخامتها