كلمات ارفعي الرايات
أبشري يا دارنا بالهمايل
وارفعي الرايات فوق الطويلة
واعتزي بالوايلي راس وايل
يومها بالمرهفات الصقيلة
دارنا البحرين والشك زايل
والوفا شرع النفوس الأصيلة
كاسبين المجد يوم الهوايل
تشهد الصمعا مع أم الفتيلة
عزتي للي طغى عزتي له
يستقيم ان كان ممشاه مايل
ويتمنى لو قصر طول ليله
بالفتن يسعى وزيف الدلايل
غاية اللي ما لقى له وسيلة
من دعا للحرب شب الفتايل
حن دوا له لين يشفى غليله
يكشف الميدان طبع الأصايل
والوعد قدام والحرب حيلة
ويبطي اللي له علينا جمايل
يا كثر قاله ويا كثر قيله
الوطن ضافي علينا جميله
ما لنا دون الوطن من بدايل
مرخصين أرواحنا في سبيله
وأبشري يا دارنا بالهمايل
وارفعي الرايات فوق الطويلة