كلمات عرفت الحب

عرفت الحب حبيبي من عرفتك
شفت الدنيا حلوه بيوم شفتك
جنت كبلك اروح واجي بدربي
هسه الدربك يوديني كلبي

حلو حلو حلو حلو
حبيبي شكد حلو
شوفو تاملو الحب مااجملو

حبيبي وجان كبلك عندي محد
ولا حبيت غيرك الله يشهد
عيني كبال غيرك غمضتها
ومن حسيت كربك فتحتها

تعال وخلي راسك فوك صدري
مدري شلون كبلك عشت عمري
سنين من العمر راحت حرامات
تعال وخل سويه نعوض الفات

وكت الحب اجه بجيتك حبيبي
هلا وكل الهلا بحظي ونصيبي
لان كلشي حلو بيك اني لاكيت
واريد الناس كلها تدري حبيت

حياتي وعمري انته بعيني كلشي
كاعد بالكلب وبدمي تمشي
عيونك ماكو بالعالم مثلها
ضحكتك عندي بالدنيا واهلها

راحه بالي انته وياك ارتاح
غيرك مايهمني الجاي والراح
اسمع خل اكلك شي يعجبك
كل الدنيا تعرف اني احبك