كلمات مو بيديا

مو بيديا من جرحتج
اني هم بالحب غفيت
ما ضلمتج يا حياتي
فدوه كوليلي شحجيت
انتي لمن رحتي عني
اني دم بعدج بجيت
كل حياتج ضيعتها
و ضيعت مني الحنان
والله مو ذنبي وجرحتج
الغدر بينه الزمان
هو عذبنه و حرمنه
شنسوي ما اله امان

يا زمن تحجيلي عنه
ما غدر بينه الزمان
هو انت الي بعتني
و مانفع بيك الحنان
بعد وين تخلي جرحك
كلبي ما ضل بي مكان
من ضميرك يصحى احجي
من توافي وما تخون
كل حياتي ضيعتها
ما جانت اضنها تهون
غيرت كلبي و نسيتك
مو نفسه ذاك الحنان

يعني صار الصوج مني
و اني ماعندي ضمير
اني جنت الليل اسهره
و ابقه بهمومج احير
يا طلب مني طلبتي
و اني كتلج ما يصير
حتى لو ردتي عيوني
ما تغلى جانت عليج
كلشي بيه حتى روحي
اني تاركها بايديج
كبل متكولين اريدك
اني اشتاك و اجيج

هيج جنت ويايه انت
بالبدايه تحبني موت
بس بعتني بالنهايه
ياما تجرحني وتفوت
و اني اسكت حتى ترضى
كافي مليت السكوت
ليش اضل وياك وابجي
ماشفت راحه بهواك
هسه كل الصار بينه
كله منك من وراك
كلبك انت الخان كلبي
هذا كلبي الي اشتراك