كلمات اسجعي يا حمامه لـ

حضري يا هجوسي واسجعي يا حمامه
جبت من نُدر الأفكار شينٍ ثميني

حان وقت القصيد اللي يذبّ العدامه
فيك يا اللي هويتك قبل لا تهتويني

من قبل لا يبين من غرامك علامه
ورغم قوّة غموضك عندي إنك تبيني

أدري إن الهوى له تضحيات وغرامه
وراضيٍ بك وباللي من هواك بيجيني

جعل مالي من يدين المحبّه سلامه
كان سلامتي فلتة يدك من يديني

منزلك فالسما لين أمطرت بك غمامه
وصرت رزقٍ كتبه الله بعالي جبيني

منت باللي اتطوّى عقب فتره خيامه
من فؤادٍ غدالك فيه حصنٍ حصيني

يا حبيبٍ جذبني له حلاة وكلامه
وامتلا القلب حبّ وما امتلت منه عيني

كأنه أزرا لا ياخذ خاطرك من مرامه
فازبن الصدر وأبشر بسعدك يا زبيني

إي قلبي تراك تعرف وش هو نظامه
لو يلين الصخر لي قلب ما هو يليني

لا تقلّل وقار ولا تمسّ الكرامه
وأبشر بما بغيته كون ذا الحاجتيني

الرجل ودّك إنّه فل عزّ وقرامه
وأنا تندا من الثنتين راحت يميني

شيلة اسجعي يا حمامه – راشد الجزوى
Asje’i Ya Hamama – Rashed Al Jazwa

المزيد من أغاني راشد الجزوى
جابك الشوق
طاري غيابك
العيون السود
يا مل قلب
كم صار لك في السفر