كلمات كلمات اغنية ناسم ذنان

ناسم ذنان من دار امحبوبي
خافقي بين المحاني مرقبله

تنتفض لعروق له من دون ثوبي
و الضلوع من الولـه يتقلّطن لّه

و بنـّة الميدول بـه تقشع طنوبـي
يوم عدّل شيلـته و النـود شلّه

ينحي بشوفي على العرق الينوبي
نور طيفه فالغلس متراويلّه

و أسبر مزونه على دارس دروبي
ربّ يشعق بارقه في غمتةٍ لـه

قومني لمواصله حفْيَت كعوبي
و الصّبر فتّ العروق المستخلّه

دانة الطوّاش و الرسّ امحسوبي
خوه باسمه يعتزي و ايشوش خلّه

من بنات الرّيح خذْ عنق اللعوبي
و السّبيب اللي على ردفه يفلـّه

ريم سيحٍ يفّلـه مسّ الهبـوبي
يفلس القنّيص لو بات ايختلّـه

ما تسمّع للوشاه اللي وشوبـي
و العذول اللي سعـابي فدوةٍ لـّه

مرهيٍ حبّه و عنـّه ما يتوبــي
خافقٍ عن حبّ غيره مرفقٍ لّه

تنفضه الأنسام يوم تمسّ ثوبي
كيف لو يا انا يسوق الشّوق كلّه