كلمات ياما

شوف الجمال
أحمر وأزرق وأخضر وأصفر العالم مليان
طب واشمعنا أنا مش حاسس حاجه
يا ليل هل ده عمى ألوان

هل دا علاجه النسيان
ماسك في حبال الزمان
فاكك حزام الأمان
باصص لـ ورا مش قدّام

ومين يواسيني يامّا
مُحاط بين الأربع حيطان
شمعتين باقي الشقّة ظلام
الوحدة جابتلي إنفصام

بقيت شخصين
واحد بيعلّي والتاني بيوطّي
دا بيكئبني والتاني يفرحني
عارف مصلحتي بس مش متحفّز
متلخبط فالنوم وكركبة في بطني

خسرت كلّ حاجة ف شوطة واحدة
لقيتني لوحدي لوحدي في ليله عتمة
تحسّ ب يأس لمّا تبصّ لـ فوق
تحسّ ب ألم لمّا تبصّ تحتك

ومافي مفرّ
ناس بتقولّي قوم وأنا ع الأرض
عايزينّي أفوق بيقولولي اتأخّرت
إحساس بالذنب مع حبايبي قصّرت

ياريت ب زرّار
أقدر أغيّر القدر
وألغي كلّ اللّي حصل

يرجع النهار
سما زرقة هتنسّينا المطر
سما زرقة هتنسّينا المطر

ياريت ب زرّار
أقدر أغيّر القدر
وألغي كلّ اللّي كان حصل

يرجع النهار
سما زرقة هتنسّينا المطر
سما زرقة هتنسّينا المطر

وأنا مين يواسيني يامّا
مين يواسيني يامّا
ألحان حزينة جوّا قلبي
وللأسف أنا الموسيقار

وأنا مين يواسيني يامّا
مين يواسيني يامّا
وعينيّا بتشرح كلّ حاجة
مليانة بحور ومحيطات

سرحان ف الدنيا وعامل نفسي بسوق
من برّا بضحك بس من جوّا بموت
وف قلبي نار أكنّني ف قلبي بارود
ومن برّا هادي أكنّني ف دمي ليمون

وأنا كابت نفسي وبقول أنا تمام
كابت نفسي وبقول أنا سلام
أيوة كنت ساذج أنا زمان
لمّا قالت بحبّك قولت وأنا كمان

بس أنا غلطان
إنّي نسيت كلّ حاجه
إنّي نسيت كلّ حاجه

بس أنا غلطان
ما أنا منهم شوفت يامَا
ما أنا منهم شوفت يامَا

وأنا مين يواسيني يامّا
مين يواسيني يامّا
ألحان حزينة جوّا قلبي
وللأسف أنا الموسيقار

يرجع النهار
سما زرقة هتنسّينا المطر
سما زرقة هتنسّينا المطر

اغنية ياما – مروان موسى
Marwan Moussa – YAMMAH ft. Afroto & El Waili

المزيد من أغاني مروان موسى
اغنية تقاطع – مروان موسى
اغنية هنا سواد – مروان موسى
اغنية ليلة أرق – مروان موسى
اغنية إسأل مجرب – مروان موسى
اغنية على فين – مروان موسى وكريم أسامة