كلمات جنة حياتي لـ

سميت في سري وقولتها
يجمعني بيكي في يوم مكان
يظهر كده باب السما
كان وقتها مفتوح عشان
جنة حياتي أنا نولتها
وصالحت بيكي سنين زمان

إني أبقى ليكي ماكنش سهل
كان حلم صعب وكان بعيد
أول ما نورك بان وهل
الدنيا ضحكت من جديد
أنتي الحياة والناس وكل
الأمنيات وليالي عيد

يا ألف ١٠٠ مليون ما شاء الله
على اللي واخدة القلب والله
أول ما شوفتك قلبي صلّى
الله أكبر ع القبول
يا ألف ١٠٠ مليون ما شاء الله
على اللي واخدة القلب والله
عليكي سحر عليكي طلّة
يا رب ديّم بنا القبول

سبحان المولى اللي أداكي
خلاكي ملاك عايش بينا
ده جمالك فايق إدراكي
وكأنك نور خدنا سحرنا
ده أنا بنسى الدنيا ولا أنساكي
ع الأرض وعايش في الجنة

أنا عمري الفايت من قبلك
مش فاكر منه يا دوب ثانية
من أول قلبي ما يوم قابلك
ده ميلادي وحظي أنا في الدنيا
أنا بحسد نفسي إني بحبك
مش عايز بعدك ناس تانية

يا ألف ١٠٠ مليون ما شاء الله
على اللي واخدة القلب والله
أول ما شوفتك قلبي صلّى
الله أكبر ع القبول
يا ألف ١٠٠ مليون ما شاء الله
على اللي واخدة القلب والله
عليكي سحر عليكي طلّة
يا رب ديّم بنا القبول

١٠٠ مليون ما شاء الله
واخدة القلب والله

اغنية جنة حياتي – عبدالرحمن فهمي
Abdelrahman Fahmy – Jannat Hayaty