كلمات أنا السويت لـ

أنا السويت زين لناس ما يسوّون
وأعرف ما يغزر بس كُلت بلگت
صغار ومن أسولف بيهم يكبرون
لذلك ما حكيت.. تعمّدت أسكت

ظهرك لا تشدّه بوادم تفشل
وعشر شموع مو ياهو يجي ويشعل
على چتافك بعد لا تشيل ياهو الجان
مرات التواضع ينحسب عالذل

الما رادك ربح لا تكول أريه وياي
ولا تعاشر بشر بجروحك يجمّل
الأعوج يبقى أعوج كافي كون تتوب
خلّص عمرك بوادم عوجة وتعدّل

عيش بدنيتك عشرة قطار وناس
ولا تهتم أبد لليصعد وينزل
مرّات الوداع تشوفه رحمة يصير
من تترك بشر عشرتهم توسل

كثرة بلا مواقف هاي دوخة راس
إگعد ويّه روحك بيهم وغَربِل
الما يستاهلك.. ما يسوى يبقه وياك
منو اللي يِسوى تعيش لأجله متعلعل

تداوي جروحهم بس من كُلت مجروح
على جرحك إجتي الوادم تِهلّل
بيك الصوج لا لتكول بيهم صوج
مرّات الصْدِگ من ينحجى يزعل

اغنية أنا السويت – محمد عبد الجبار
Mohammed AbdulJabbar – Ana Al Saweet

المزيد من أغاني محمد عبد الجبار
وردة
اصعب الايام
دق قلبي
اني باقي