كلمات تبسمي لـ

تجمّلي قدّامهم واقهريهم
مدامك تعيشين في قلب رجال

من دونك يوقّف ولا يحتريهم
يرخص لك عيونه قبل يرخص ريال

تبختّري يا فتنتي وافتنيهم
خلّي القلوب يصيبها بشوفك جفال

تقدّمي يا مهرتي وافهقيهم
دامك خذيتي شوطهم ثقل وهبال

أيه انثريهم واجمعي وانثريهم
انتي سحابة زين والحسن همّال

تهافتي واسترسلي واسفهيهم
دام الوعد قدّام والعود ميّال

تبسّمي والتفتي وعانديهم
تغندري مع كلّ شيلة وموّال

تمايلي بإحساسك وسكّتيهم
لا يا بعد حسّادك وكلّ الأزوال

وإذا انتثر ليل المتون إلفحيهم
سواد شعرك ضيّع الليل والشّال

وبنصّ عين بنظرتك جنّنيهم
خلّيهم يعيشون مع كحلك أهوال

تطاولي في رقّتك واكتميهم
وتبدّلي بالزّين من حال لي حال

طوّفي على عقول العرب بعثريهم
دامك قضيّة دوّخة كلّ الأجيال

وإذا نسوا طاري الغلا ذكّريهم
يا حظّ من لبسك دبلة وسلسال

قولي عليهم وابشري بي عليهم
كذّاب من قال الهوى لعبة عيال

شيلة تبسمي – ماجد الرسلاني
Majed Alrslani – Tabasmi

المزيد من شيلات ماجد الرسلاني
لعيون الزعيم
كوكب الحلوين
هلا بالغالي
عاد عيدك
ياهوه