كلمات احلى في بيوتنا Ahla Fe Beyotna

هاتقعد تعمل ايه في البيت
اقول لك يعني لو حبيت
ماتقرا كتاب
وذاكر للعيال دى حساب
او اسأل عن صديق كان غاب
هاتعرف لازمة الازمة
وتعرف قيمة اللمة
وتبدأ تنبسط لما
هاتكتشف الولاد كبروا
واهالينا زمان صبروا
علينا واحنا وسطيهم
هاتدعي الف دعوة جداد
وترتاح لما تدعيهم
هاتلقى في درج كام حاجة
وتفرح لما تلاقيهم
وكام صورة في كام البوم
اتاري الأزمة ليها لزوم
وإن البيت دة مش للنوم
وعيلة لبعض محتاجة
دى فرحتنا في لمتنا
وتحضننا حيطان بيتنا
تعبنا كتير في وحدتنا
لكن قوتنا وحدتنا
نبدل دنيا برة البيت
بدنيا احلى في بيوتنا