كلمات حاسس بقلبي
✍️ كلمات: زياد جديد
🎼 ألحان: زياد جديد
حاسس بقلبي كيف بيرجف ليك
وحياتك عندي منو معود هيك
حبك سرقني و ملك في الروح
من لما عيوني تلاقوا بعينيك
صدق حبيبي ما عم لاقي كلام
يحكي الي بحسو من شوق و غرام
دخلك يا روحي جوا عيوني شوف
كيف باحساسي عم ارسم احلام
تمسكني بايدي و تاخدني مشاوير
بالسما الزرقا فوق الغيم نطير
و اوعى من حلمي ع كلمه حبيبي
بلهفه تغمرني و جوا قلبك صير
قبلك حبيبي غرقت بعتم الكون
و الورده الحمرا شوفا بلا لون
وجودك بقربي حسسني بامان
ما بدي عمري الا فيه تكون
ما بدي حياتي لوما فيها تكون
بقعد لحالي و تمرق ذكريات
مني تسرقني و عيش هاللحظات
موعدنا الاول شو قلنا شو حكينا
و من شوق عيوني تكرج الدمعات
بتزكر يوما بعد ما فليت
من فرحه قلبي مدري شو حسيت
متل الفراشه رفرفوا جناحاتي
نورك غمرني و بقلبك غطيت
قربني منك نسيني التنهيد
عم تطلع روحي لما تكون بعيد
صدقني قلبي ما بقا عشقان
يمكن احساسي بدو اسم جديد
يمكن شعوري صرلوا اسم جديد