كلمات ليت الليالي
✍️ كلمات: حمد سهيل الكتبي
🎼 ألحان: خالد ناصر
ليت الليالي ترجعك وترجعني
وترد لي في غرامك اجمل سنيني
مشتاق لك ولمكان فيك يجمعني
لليل والصيف وعيونك عناويني
مشتاق اسافر معك والغيم يتبعني
لندن وصوت المطر وايديك بايديني
وهناكتحت المطر نجلس تسمعني
من نهر شعرك زلال الحب تهديني
اقاسمك فرحتي وهموم توجعني
وانته من دلال ضحكاتك تقهويني
يا عمري اللى بعدك العمر ودعني
ذكراك حيه معي ما بيني وبيني
لى شفت صورتك بغيابك تطالعني
يتعبني الشوق والذكرى تبكيني
وش عاد يعني العمر بعدك ووش تعني
دنياي دونك ترى ما عاد تعنيني
ما عاد به شي في الدنيا يمتعني
لو املك الكون عقبك ما يسليني
يا ليت وقتي على وصلك يطاوعني
وترد من غيبتك يا اغلى محبيني