كلمات قطر جيلك

واحده واحده ياقطر جيلك
عارف ان مفيش بديلك
انتى اصلا مين يجيلك
فى الدلع ولا الجمال
عادى خليهم يقولو
القمر فوق مين يطولو
دا البطل لحظه وصولو
خطوتو بتعمل زلزال

بطل مجاش اللى ينيمو
ويقف قصاد سحره ويهزمه
كل اللى يتحدوكى سلموا
يا نمبر وان ف الجامدين
عرشك مجاتش اللى تهدده
منك مفيش وبيستوردوا
وياعيني بيحاولوا يقلدوا
وبردو جمبك مش باينين

كلو يصحالو ويفوقلو
دا الفرس نازل بتقلو
ممكن الملعب يروقلو
اصحو وحش الكون حضر
مين على الكوكب دا قدو
كلهم قدامو هدو
لا صراحه الله يهدو
ممنوعات والعود خطر

عسل قمر من غير افوره
لا شغل ميكب ولا فلتره
لمبه كده ماشيه منوره
كشاف جمالك يعمى العين
اسد وعودك عود مفترى
تتحسدى لازم تتبخرى
فتحتى نفسى على الجمبرى
وع الجواز وماليكى يمين

بشويش على الارض حبه
الشارع مش حمل دبه
خف حبه تذيد محبه
احنا مش قدك يا جامد
حد فيكو يروح يقولو
يهدا بالجمدان دا كلو
لو لمحتو انا مش هحلو
ده اللى خلاه مشاعري قامت

دنا ازلزل الكوكب زلزله
بس تقوليلى بحبك يلاااا
وتحطى لينا صوره ع الحاله
وسهم راشق بين قلبين
عاشقك وعشقى ملوش ترجمه
يا ملاك رقيق نازل من السما
بطلت من بعدك رمرمه
ونويت اكمل نص الدين