كلمات اكذوبة
القلب مهما حلف كذاب
في الحب ما يصدق التوبه
يحلف ويقسم وهو ما تاب
ويرمي على العين عذروبه
يا قلب ياللي شبابك شاب
ما بين صحوه وغيبوبه
من سبتك شمع عمري ذاب
وايام الانسان محسوبه
فيك الرجا يا خفوقي خاب
يوم ان طرفي التفت صوبه
الفاتن الباهي الجذاب
الساحر بروعة اسلوبه
من نار رمشه ولاهوبه
وانا من الشوق والاعجاب
امسيت والروح مسلوبه
ومن بعد ماهو اسرني غاب
واتحول الحب اكذوبه
وانا اللذي ما قريت كتاب
عنه ولا ذقت مشروبه
راح وترك لي انين اطناب
وخيام بالقلب منصوبه
وتسكرت دونه الابواب
والليل خيم على دروبه