كلمات اربع وعشرين ساعه –

المنشد عبدالعزيز العليوي
كلمات الشيله :

الناس ذولا يولدون ويموتون
على مدار اربع وعشرين ساعه

والأرض ذي فيهم تدور ويدورون
وليامها يقولون سمعٍ وطاعه

واللي العمر قضاها داين ومديون
يشوف كل الناس مال وبضاعه

ياللي جمعتو المال يفنى وتفنون
الضايع اللي دوب يخشى ضياعه

العمر وهبه واللي يعطون يعطون
وقت الرخا يذخر لوقت المجاعه

ولامن طلع من بينكم آي فرعون
ادعوا الله تكونون وموسى جماعه

كذا الحياة معلمتني وتدرون
ان الحياه اوراق وآلة طباعه

بتسجل الي تفعلون وتقولون
وبتمحي الي ضد حكيه طباعه

عليكم من الله ما تستحقون
ماعاد فالأيام شف وطماعه

اللي عطانا اذان ولسان وعيون
عطاني عزم وقو باس وشجاعه

سبحانك اللهم ماني بذا النون
أنا اللي ضد الريح دايم شراعه

وظروفي اللي بين ضايق ومغبون
تلوي ذراع اللي بيفتل ذراعه

ان كان فيه اقناع طيب ومضمون
ياربي أرزقني قناع القناعه

والآدمي مرحوم وأبليس ملعون
ذا حكي ربي خل حكي الأذاعه

عاقل ولاكني فالافكار مجنون
وان قلت حكمه قلتها من قناعه

الدنيا في عيني سباق الماراثون
والأدمي الحاجات أم أختراعه

عيشوا الحياه بكل ما تستطيعون
من قبل لا تعيشون دون استطاعه