كلمات بضيع وقت

اللي اتقاله خلاص من اقرب واحد ليه
بيتعب اوي في الدنيا عشان حاجة تنسيه
وانت قدرت تقولها وتمشي وقدر قلبك ميكملشي
سيبتلي جرح في قلبي مانمشي وعايش بيه
كنت مغمض عيني وقلبي مفوقنيش
وازاي قلبي أمنلك وانت محبتنيش
كنت في جرحك ببقي مكانك ولا يوم باعك قلبي وخانك
ده انا من طيبتي كنت عشانك انت بعيش
بس عرفت ان انا مش صح
وان ساعات بيكون الجرح
في اللي تحبه لكن مش باين

ان انا كنت بضيع وقت
واني أمنت لواحد خاين
اللي اتخدعوا في ناس واتظلموا تعبوا كتير
وانا عن نفسي هحاول واقدر ع التفكير
ماهو مين فينا ده مبيغلطشي
بس ياريت بقي منكررشي نفس الغلطة
ومنفضلش في وهم كبير
هو انا ليه مستني احلام ملقتهاش
وسنين راحت مني وبقول منستهاش
ماهو لو كان فيه حد مكاني
عمره ما يصبر ولا يوم تاني
ليه اتحمل حد اذاني وباعني بلاش
بس عرفت ان انا مش صح
وان ساعات بيكون الجرح
في اللي تحبه لكن مش باين

ان انا كنت بضيع وقت
واني أمنت لواحد خاين