كلمات بناقص

هنتكلم و نحكي فى ايه
ولا نصعب يا قلبي عليه
عملنا كتير عشان نرضيه
و مبيرضاش
حبيبنا ازاي ده كله كلام
و غدره اهو بان مع الايام
من الاخر نقوله سلام
منستناش

بناقص يلا ما علينا
طلعت ملكش خير فينا
بالف سلامة فاض بينا
نهايته خلاص
يا ريتنا نفضها سيرة
خلاص شيلتني الليلة
و بكرة هردها كبيرة
قصاد الناس

ده واحد كان لازم يتساب
استاذ فى الوعود كداب
عتاب مين لاء قفلنا الباب
يودعنا
يعيش مع نفسه بقى خليه
يدور ع اللى يبقى عليه
ده مش حب اللى عايشين فيه
ده كان معاناه

بناقص يلا ما علينا
طلعت ملكش خير فينا
بالف سلامة فاض بينا
نهايته خلاص
يا ريتنا نفضها سيرة
خلاص شيلتنى الليلة
و بكرة هردها كبيرة
قصاد الناس