كلمات عزيز النفس

الحمد لك يا رب يا عالم الحال ♥ و الشكر لك يا رب ♥ بالنفس مغروس

عبدك لو انه يصد و مشتت البال يبقى لسانه دوم بالذكر مغموس

يعلى ♥ عزيز النفس و يناطح جبال ♥ لونه قليل قروش يبقى من الروس

ما كل نفسٍ تشتريها بالاموال ♥ بعض النفوس كبار عن هم الفلوس

و بعض النفوس ثقال من كبر الافعال ♥ و بعض النفوس خفاف من غير ناموس

و بعض النفوس طهار من قيلٍ و قال ♥ و تشوف فيها الخير بالصدر قاموس

يالله عسى اهل الطيب عالٍ على عال ♥ و انوارهم في كلح الايام فانوس

اللي يعز الضيف و يشب الدلال ♥ ينحر من الطيبات و يشبع ضروس

هذا عساه يا رب ما يوم يعتال ♥ و فنجال طيبة للمخاليج متروس

و يا الله عسى الارذال للدوم بذلال ♥ من شان لا يلحك هل الخير هاجوس

اللي يظن الجود سيلفي و جوال ♥ و مهايطة ورعان و اوهام طاووس

يا شين طاري السرج في جنب الجلال ♥ تفرق مع حذف الحصى رمية قوس

و يا زين من ربعه على الفخر تمثال ♥ اهل الطويلة اللي لهم فعل ملموس

اهل العلوم و الكبيرات الجزال ♥ من لابة تغرق من الدم بالطوس