كلمات ضيم الشعب Dhiem Al Sha3ab

انه ابن الكثرن شيباته
متعوب مكضيهه حياته
للكبر مودي وليداته
شيخوفني ورايد ارجع

اصبر جايك ابقه متاني
يمك ثاري ودم اخواني
مكسور ذراع اللاواني
طكت بعد وكلشي توقع

عليمن جاي بسلاحك بعد ماخاف
وحق ضيم الشعب عن حقي ما اسكت
باجر يافساد ادوسك الرجلين
وكبالي بكلامك تحجي وتمتمت

وطن صاحي وشعب مايقبل الذل
بعد من عينه تبقه انته تنزل
عراقي وغالي سعري ارخص شلون
على دمك يفاسد يمته تخجل

انه المتعود ع الدمعه
انه اليتقدم وترجعه
صوتي شكد متريد تسمعه
غصبآ عنك لازم تسمع

شفنه هواي وفاضت بينه
شكد تعذبنه وضحينه
واحدكم ما يترس عينه
شكد عفتونه بحلك المدفع

من دمي شرب جان الوطن عطشان
وانطيته اخوتي واحس ماكفت
شو حظرت جنابك ماترفلك عين
وبعينك افضالي مره ما وكفت

وطن صاحي وشعب مايقبل الذل
بعد من عينه تبقه انته تنزل
عراقي وغالي سعري ارخص شلون
على دمك يفاسد يمته تخجل