كلمات ولاد البلد دي

دولا ولاد البلد دي
اللي قد ميت تحدي
بيهم احنا اوام نعدي
كلنا لبر الامان

هما دول رمز البطولة
ادوا درس في الرجولة
وانتصارنا خطوة اولى
ولسة في انتصارات كمان

شوف ولاد بنات ام واب كبار صغيرين ميت مليون
بيت شارع وحارة قهوة بلدي بلد بحالها بتهز الكون
عيلة واحدة سد مش هنضعف او نتفرق مهما يكون

بص تلقى بينا جيش محامي وقاضي لاعيب كورة وفنان
بيه تاجر مهندس اعلامي عمال وفلاحين غني غلبان
شعب كله عاش في فرحة واحدة واعلام مصر ف كل مكان

شعب مليان بالعزيمة
عمره ما بيقبل هزيمة
مصر يا امي العظيمة
كل لحظة في انتصار

من هنا عدلنا الخريطة
حرب صعبة ومش بسيطة
ضربة جامدة كانت مميتة
بعدها طلع النهار