كلمات موال قوه على قلبي Mawwal Gowah 3ala Galbi

قوه على قلبي دست قوه على روحي قسيت

مو هينه اجي بدمعتي واوقف بباب البيت

دقيت بابك خجل وبلا خجل دقيت

وفتحت بابك الي سلمت ما رديت

وسمعتك تقلي بهمس ياريت لو ماجيت

تدريني هسه اش شفت وش عشت وش عانيت

ادركني وقت العشى وبعبرتي تعشيت

ع الخالي صدق الك ما جيت يبالمحبوب

مرتني لحظة ضعف حسيت كلي ذنوب

ردت الله يغفر الي بس بيمن اتبارك

غمضت عيني وغصب جابتني يم دارك

رغم الجرح بي جرح والحيل ماكو حيل

ورغم النهار انقضى والدنيا صارت ليل

صح جيتي محرجه وصح جيتي تخجًل

مغصوب اجي بهالدرب وبالشامت اتوسل