كلمات بتستخبى لـ

ولاد النّاس الشّبعانين معروفين
والمدّعين المحدثين مفقوسين
مهما حاولوا ياخدوا لقطة مهروشين
مهما حاولوا يداروا برضه مكشوفين

يابني أنت أيّوة أنت
شايف نفسك كده ليه
مين أنت ومن أمتى
معووج بأمارة إيه

بتستخبى في الفلوس
صحبي الغنى غنى النّفوس
ده شكله نقص ولا إيه
ملكش وصف في القاموس
داخل بزفّة ومهرجان
عامل مهمّ في المكان
واتنين تلاتة كدّابين
بيندهوك مستر فلان

جواك عيوب وبتداريها
بس احنا فاهمين اللّي فيها
أصل أنت يابني في الحقيقة
بالونة والفراغ ماليها

أستاذ في لفت الانتباه
وهو مين فارق معاه
ومين هيتصاحب عليك
غير اللّي قرشك اشتراه

من قلبي أحبّ السّلكانين
ناس دوغري مش ممثّلين
بابعتلهم أجدع سلام
لو لسّه يعني موجودين

مغرور غرور وياريتنا
جايين عالمزاج
شويّة وهتدخل علينا
لابسلي تاج
كلّك عبر وشايفنا
مش قد المقام
يبني أنت واللّه العظيم
محتاج علاج

يابني أنت أيّوة أنت
شايف نفسك كده ليه
مين أنت ومن أمتى
معووج بأمارة إيه

بتستخبى في الفلوس
صحبي الغنى غنى النّفوس
ده شكله نقص ولا إيه
ملكش وصف في القاموس
داخلي دخلة الطّاووس
ماشي وعينيك مش شايفة غيرك
ناقص على البشر تدوس

أنا أنا أنا وأنا
ما خلاص بقى زهقتنا
هتموت تبقى العين عليك
وأنت ولا تهمّنا

طب افترضنا إنّ أنت جامد
وإنّك خلاص أهمّ واحد
خفيت كده م النّقص يعني
ولا مافيش أمل يا بارد

كان نفسي أقولك اقتنعنا
كان نفسي أقولك اشترينا
بس أنت من عمل إيدينا
يبقى بصراحة اللّوم علينا

طول عمري أحبّ السّلكانين
دول فوق دماغنا متشالين
ماليش أنا في المدّعين
ما تفوق لنفسك أنت مين

اغنية بتستخبى – حمزة نمرة
Hamza Namira – Betestekhaba

المزيد من أغاني حمزة نمرة
وافتكر
يا سهرانين
اتخمينا
شيل الشيلة
شمس وهوا