كلمات ساعدوني لـ

متبطّلو تقولولي
كلام بيه تجرحوني
لو مش عندكو كلمة حلوة
يبقى في حالي سيبوني
ده كلامكو بيأذيني
تنزل دمعة عيني
كلّ غرضكو هزار ف هزار
بس هزاركو مخلّيني

أتوجّع
أتألّم
وأنا كاتمة ومش بتكلّم
بتقطّع
أتندّم
مبقتش خلاص أتحمّل

ده تنمّركو بيقتلني
خالص مش بيضحّكني
ماهو مش علشان تتبسّطو
تتريّقو على مشاكلي
ده تنمّركو بيقتلني
خالص مش بيضحّكني
ماهو مش علشان تتبسّطو
تتريّقو على مشاكلي

ليه تعايروني بمشاكلي
تتريّقو على شكلي
المشكلة دي غصبًا عنّي
والذّنب ده مش ذنبي
قدّرو تعبي شويّة
بطّلو تيجو عليّا
اللّي نقصني الكلمة الحلوة
مع حبّة حنيّة

ساعدوني
ساندوني
ده بدل ما أنتو بتأذوني
حبّوني
صاحبوني
قرّبو منّي وضمّوني

ده تنمّركو بيقتلني
خالص مش بيضحّكني
ماهو مش علشان تتبسّطو
تتريّقو على مشاكلي
ده تنمّركو بيقتلني
خالص مش بيضحّكني
ماهو مش علشان تتبسّطو
تتريّقو على مشاكلي

اغنية ساعدوني – الأميرة فيروز
Saedouni – Al Amira Fairouz

المزيد من أغاني الأميرة فيروز
كلمة ماما
جوه الأوضة دخل فار