كلمات متعلعل

محتاج لاحضانك تضل
بحضاني كل هالعمر
مشتعل نار ومحترق
بيه اني ما ضل صبر
يا واحد يعادل سلف
يالتسوه كل الديره
هيج انت اخذ واحد يحب
ما عنده غيرك سيره

متعلعل هواي
واحضانك الدواء
يلي انت عازتك
جن عازه الهوا
على احضاني تعال
اشبعك بس دلال
يمك اقضي العمر
واريدك بالحلال

غيرك ولا اعرف احب
للموت اضل اهواك
مخلوق حتى نضل سوى
ربك الي سواك
ايامي ما تحلى اذا
ما بيها منك اثر
مرسال منك لو يجي
انسى التعب والقهر

هاي المشاعر
يم عينك فاضت
من اتلاقى وياك
طيور وتتحاضن
حجايه الك انطيت
كده اني لو حجيت
اريدك بالحلال
وعلى بابك اجيت