كلمات شهيد الوداعيه

نتايج محبّتكم متاهات يا خلّي
كواني غرامك ف الحشا وأنجح الكيّة

عليك الضمير يطوّل الصوت ويهلّي
ولك القلب دار وصفّ الأضلاع محميّة

أنا وين بلقى يا هل العرف لي حلّي
ترا الوضع فوق المعضلات السياسيّة

أنا لي وليفٍ صوبه القلب منتلّي
وأنا ودّي بجيّة لكن ما كتب ليّه

وليفٍ رزين صافي له وصافٍ ليّ
ولا ذكر وصفه في قصيد الهواويّة

جميل الملامح وافي الطبع والدلّي
وجميل القوام وعين نعسى وخمريّة

راعي جادلٍ كنّه أسود الليل لا فلّي
تسلّم مقاليد الجمال الرئاسيّة

وراعي منطق لا من بدا الهرج ما ملّي
إلى من حكالي بالطروق الغراميّة

من أسبابه التفكير والعقل مختلّي
وعلى القلب له بصمة وشارة وماريّة

ضربني بسهمه وأصبح الحال به قلّي
مثل ضرب الألماني نحور اليهوديّة

إذا حلّت الجمعا وقربه تسهّلّي
ف قربه دواي وشوفته منوةٍ ليّه

وإذا حلّت الفرقا ترا موتي أحسنلّي
وأبكتب على قبري شهيد الوداعيّة

ولا نيب ناسي لين عزران يرسل ليّ
وبدفن وهو ذكراه ما هيب ممحيّة

شيلة شهيد الوداعيه – مبارك الدوسري
Shaheed Al Wada’eyah – Mubarak Al Dosari

المزيد من شيلات مبارك الدوسري
الغنج والدلع – مبارك الدوسري
الوفا لـ مبارك الدوسري
بارق الشوق لـ مبارك الدوسري
شريك العمل لـ مبارك الدوسري
عليك العتب لـ مبارك الدوسري