كلمات MN 3EEN EDNIA
كونك في نفس الدائره مش معناه انك اصلح بيها
بره في الشارع اشكال كئيبه بس بعقول تبيدك
عيون بتفتح علي الماضي مش هتشوف دا لينا
مش هتصدق انا كم مره سيبت احلامي فيها
طريق زي الازاز يمكن يخدعني ميكملش
مكنش فيا طاقه بس حاولت اعيش واسد
اصوات جايه من برا عشان طلعت Backstage
حسيت بي ضغط كبير بس طمنوني وقالو Test
ونشوف كام مره انا سيبت حياتي في ايد دول
ونشوف كام حلقه فاتت وانا مش نافع للدور
وهعيش اكون ثروه عشان هسيب ليهم غني
اخر نوت كاتبها كان آخرنا لحد هنا
لفتره مفيش يقين فا كان من الصعب اقطع الشك
يمكن عشان اشغال الدنيا مخدناش بالنا
بتصرف كام جنيه لو هيتقارنو بي كم تعبك
اسهم بتطلع زي البورصه بس الدنيا فانيه
مستنهاش تقع في حجري واقول دي جاتلي
ساعات بتعدي اكني كنت لسه معدي
المخ مصدي خبطتين افوق وهدي
اهم حاجه اهلي من بعديها نفسي
والحمدلله يا رب ليه المشيئه في كدا
مشوفتهاش من عين الدنيا وحشه قد كدا
ومهما مشيت في الغلط مهما عاشرت الناس
برضو اشوف كداب برضو مفيش احساس
طالما مش نحيتي يبقي اكني مجاتليش
المال و الجاه سكتي بس الرطش فيها كتير
الخِسه في العزيز و المكسب في اللي يعيش
معدش ساعته ولا تاريخه عشان هقول واعيد
النقص في اللي يخيب و الهم شيله تقيل
مفيش ارباح هاديه معدش ليها كبير
فا قولت الله المعين ما مفيش اصول بتعيش
مفيش اصول ها تدين خلصت فيها كتير