اصحى يا نايم اصحى يا نايم وحد الدايم مسحراتي من اهل بلدك جايلك يصحصح قلبك و بدنك جوايا فكرة بتزق فكرة و امل ينادي على شمس بكرة اصحى يا نايم وحد الدايم رمضان في بيتنا ليه علامة مصحف و حاضن امساكية تشهد عليا يوم القيامة و صوت ابويا قبل الفطار و هو ماسك مصحفه و طرحة امي بلون خضار و صوت دعاها بنعرفه و اخواتي لما يسبقوني بخاتمة ما تحسدهم عيوني و افرح قوي لما ينادوني و يسالوني في الاية ديا لو كل دنيتنا اختبار يبقى رمضان الهدية اصحى يا نايم وحد الدايم رمضان كريم