كلمات تعالي

تعالي و انثري كل الزهور
بخطوة أقدامك
تعالي وأنتي لك كل العمر
هالدنيا قدامك
تعالي واقبلي بهونك
يا فرحة قلب مضنونك
ومن غيرك يجيب الصبح من باكر
و تشرق شمس
توشحي يالجوهره بكل زين من مدح الخصايل
و اقبلي يا أجمل الدنيا حضور بلا جدال

و قالوا انه ما خلق مثلك مديح ولا مثال
اقبلي وممشى خطاكي فوق هالنسمة أتمايل
بين زين و بين لين و بين طهرك و الدلال
حي ملقى فرحتك ياللي دعاوينا تسايل
كنها غيمة و غيمة والتقوا و الخير سال
جوهرتنا اقبلي و عقود من نور و جدايل
زفتك دنيا جديده و نقش حنه وطيب فال
جوهرتنا و طلتك في عـيوننا كنها جمايل
الحظيظ اللي سنى له شوفتك في كل حال
سمحة محيا وطيبك عن طهر قلبك دلايل
ومبسمك كالشهد صافي ونادرك طبع وخصال

من وراك كل نجم يتبعك مثل الظلال
يا سليلة عز باقي و مجد من سلو السلايل
هم هل العوجا النشاما هم مروضت الثقال
جاك منهو في اماني قلبه شافك حلم طايل
فاز بك سلطان وانتي الهنا و طـيب الليال
انتي له عشق مؤكد انتي المالك بدايل
وانتي كل شعور قلبه لا غدا عشقة سوال
توشحي يالجوهره كل زين من مدح الخصايل
و اقبلي يا قبلة الحسن الأكيد بـلا جدال
يا هلا بك اقبلي يا جوهرتنا
يا هلا بالزين كله وأكمله
اقبلي يا نور يضوي مملكتنا
اقبلي والليل لك يهتف هلا
انتي الي في خصالك مالكتنا
وانتي الي ماخده كل الحلى
يا سحابة بالمكارم ساقيتنا
كاملة يالجوهرة و غيرك فلا
مرحبا بك ياللي علومه لفتنا
وقفته يشهد لها كل الملا
الليالي به تغنت و أطربتنا
فارق سلطان و للعز اعتلى
احمد الله كان هالدنيا عطتنا
مثلك اخت فارقة طيب و غلا
طاب ليلك بالهنا يا جوهرتنا
جعلني منك انا ابدا ما اخلى