كلمات خابت الهقوى
✍️ كلمات: عبدالله الحبابي
🎼 ألحان: فيصل المحمد
خطاك السوء ياقلبي وكل غلطه لها تكفير
واذا مامت من ضربه ترا من بعدها تقوى
ابد لايشغلك جحزنك وخل اللي يصير يصير
حسافه كيف تتضايق على اللي ماطلع يسوى
كثر ماكان يعني لك وله في داخلك تاثير
كثر ماخيب ظنونك وخابت منه الهقوى
عطيته فوق حجمه لين كبرته كثير كثير
نسى نفسه نسى حجمه وهذي كانت البلوى
نصحتك تاخذ بشوري قبل لاتندفع وتطير
قهر يا ما نصحتك ليت نصحي كان به جدوى
كثير اشياء توجعنا ولا نلقى لها تفسير
تحملنا كثير الين صرنا اليوم مانقوى
سكتنا والحكي غصه حكينا خاننا التعبير
وش الحيله مدام انه طلع هالقلب ومايهوى
ولو شوقي نسى ينسى ورافض فكره التغير
عسى ربي يعوضني ويلهم قلبي السلوى