كلمات جماله

حقيقه اللي شفته ولا مو حقيقه
جماله مافي مثله سهرني ليلي
عشقت انا عيونه من اول دقيقه
طحت فغرامه يا ناس ياويلي ويلي

ملك الجاذبيه في ضحكه عيونه
كلامه و صوته يطرب دقات قلبي
اشوف الدنيا ظلمه لوني بدونه
و ينور لي حياتي يوم انه جنبي

جماله سوا فيني حاله
انساه استحاله
راكز وسط عقلي

ضروري يحبني ضروري
و يفهم شعوري
وشكثر انا اغليه

بديت ارتب له كلامي و المعاني
اديب و شاعر انا صرت لجل عينه
و يوم اني شفته بلحظه انربط لساني
بديت اتاتا و كلامي كله وينه

كنت اعتقد ابد ما الاقي حب حياتي
ولا هقيت اكون انا عاشق و هايم
لقيت اللي تعدى حلمي و امنياتي
ياليته من نصيبي و يبقالي دايم

جماله سوا فيني حاله
انساه استحاله
راكز وسط عقلي

ضروري يحبني ضروري
و يفهم شعوري
وشكثر انا اغليه