كلمات دليفري كلام

شد حيلك وشوف مين بقيلك
خلّي بالك محدّش صافيلك
فوق ياعم الجدع محدّش جدع
كلّه بالإسم عامل زميلك

عم عشم هيلغي الحنيّة
من النهاردة هيعمل خاصيّة
مش فاضي مشغول علشان مقفول
من عمايلكوا المؤذيّة

ابعت رسالة بقى للناقصين
وقولهم لو مش عارفين
بعد ما كنت بميّزكوا
هعاملكوا بس بطرف العين

كل الغلط هتحسبوا عليّه
يلّا القديم بقى هنصفّيه
بس الأصول ملهاش غير باب
والصح هيزعلكوا في إيه

أنا اسمي في دماغكوا مصدّع
والشبكة عندكوا بتقطّع
أنا عارف إنّي شاغل بالكوا
ومغطّي على أي مربّع

تتحدّوا مين يلّا ياكارفين
أكبر مافيكوا مايكحّل عين
بلاش تعيشوا علينا الدور
أصل إنتو على حسنا عايشين

أوعى تعمل عليّا مهم
يابني ده أنا اللّي سايبك تلم
ربّنا معاك ياللّي سيرتي تعباك
وداير في ضهري تنم

جدعان مين ياعم بتهرّج
إتقل بس وبكره هتوصلك
كلّه باع الأصول من أجل الوصول
واللّي مايشتري يتفرّج

أنا حبّي ليكوا إزاي مواصلش
عملت ياما واتقال محصلش
بطّلت أعامل الكل بطيبة
الناس دي خاينة مابتقدرش

مخرج وقاطع ع الأفلام
بضحك عليكوا وأقول ياسلام
معقولة للدرجادي جامدين
وأجمد مافيكو دليفري كلام

سلطان وكينج في أي مكان
واسمه ده بصمة وعنوان
من غير ماتسأل عنه كتير
الشن ده الكارت الكسبان

ياشن ياللّي عامل إزعاج
أصل النجاح عندك ده مزاج
وترند رائج ليل ونهار
الشن أصلا مش محتاج

اغنية دليفري كلام
Delivery Kalam – Ameer Sultan and Ramez Nour

المزيد من أغاني أمير سلطان
كوكب المشاهير
ميزناهم وخابو
كينج السوق