كلمات الوفا والموده
✍️ كلمات: مجازف ( عبدالرحمن احمد الناصر )
🎼 ألحان: حسين قريش
من عنا القلب قلي وش يفيدك عناه
لا انت ماخذ كثير ولا انت ماخذ قليل
ودي افهم حقيقه ويش انا في رجاه
دامك اللي علي درب المشقه دليل
والله اني لا ابيع الصمت واغرق شفاه
في بحور العز اهون من حياتي ذليل
لاح برق كشف لي من سماه بسماه
القدر ساقه لقلب تشكي عليل
كم تمنيت اشوفه ما نفعني مناه
جابه الله نديم لي وايضا خليل
افتخر فيه لاجله صادق في عطاه
يبرد الجاش ويطفي وسط جوفي غليل
الوفا والموده والغلا والبهاه
شفتها منه انا ما بين يوم وليل