كلمات ايوا غلطت

ايوا غلطت
ومحدش مننا معصوم
راضيه وقابله بكل اللوم
حتى ولو عايز تجلدني
حقك برضو اكيد مفهوم
وانا اللي كنت بقول رفضاها ولو تفكير
واني بشوفها غدر وجرح وذنب كبير
يجي اليوم واقعد قدامك وانا بستجمع كل القوه
حاسه هموت من اللي هقولهولك حتى الموت اهون بكتير
طبعا مش راح تقدر تغفر ولا يشفعلك كل ماضينا
انا جايه وبقولك خنتك مش هتسامح صعبه علينا
سيبني ده حقك قول ما بدالك قول غداره قولي جبانه

قول مش انسانه
ثانيه من فضلك حاجة اخيره عايزه اقولها
اني كدبت عليك في حكايتي يعني لا خنتك ولا هعملها
انا حطيتك بس مكاني لما عرفت اللي انت عملته ومخبيه
شوف بمرايتك مش بمرايتي واجه نفسك واستحملها
واحكيلي عامل ايه دلوقتي بعد ما وصلك وجعي واللي انا فيه
يعني لا هغفر ولا راح اسامح ولا راح اعمل فيها قديسه
وبحبني اكتر ما بحبك اصل كرامتي عليا عزيزه
ومعنديش ولا ذرة رحمه ياللي مصنتش نعمة ربك
ادفع ثمن الذنب الاكبر ثمن الذنب الاكبر
اختفي فورا انت لوحدك ايوا لوحدك
ايوا غلطت