كلمات موال يادنيا
يا دنيا انتي الحرمتيني من اهلي
سكنت الغرب من غصبا عليا
ادك يا باب واسال من عليكم
ضعف صبري وزماني خان بيه
شوصفلكم غربتي
صدري مخنوق صوتي مبحوح
دفنتوني بغرب وتعالج الروح
غريب وكل غريب يتذكر اهله
الام الحبيبه
والدي الحبيب
اخواني احبابي اصحابي جيراني وفي البيوت
وك من غيركم دنياي تابوت
عذاب فراقكم جنه المنيه
هلي احباب قلبي هلي
تذكرون الصبح وانتم تفطرون
بعدها صورتي تتوسط البيت
المكان اللي احبه بعده موجود
حديقتنا بعدها محمله ورود
والاغاني اللي احبها من الطفوله لام كلثوم ولناظم الغزالي
وللكبنجي حنيت
لبوذياتنا ومقاماتنا عتاباتنا وسحر المواويل
للمقهى القديم وشاي ابو الهيل
بحضن دجله الزوارق هايمه تطوف
ونيران الشواطي وسمج مسكوف
الله ينتقم منج ياايام هلي الطيبين ضاعوا من اديه
ابيش اعوضهم ياربي وانا قلب الطفل قلبي
من يجي براسي هواهم يحرق ثيابي العليا
اقرا ايات ودعائي يهون الغربه عليا
كل صوركم بكت يمي
افرجها ربي شلون بيا
حقي لو اضعف شسوي الارض مو ارضي
الناس مو ناسي الجو مو جوي
يصير اذل نفسي واشكي لعدوي امري