كلمات هذا اليوم

بهذا اليوم
مدري شصار
واجيت انت على بالي

هزني الشوك
وانت ابعيد
واحسك واكف كبالي

حضنتك وابجي من كلبي
واحجيلك على غيابك

كاني اتخيلك موجود
واشم عطري على ثيابك

ليش الدنيا حرمتني
ليش الدنيا اذتني
فدوة ارجعلي محتاجك
ترى الايام ذلتني

بهذا اليوم
اني وياك
اول ما تلاكينا

وكل الناس
بالنظرات
عرفوا بينا حبينه

احلا حب سوة عشناه
واحد عاشك الثاني

ماجنت ادري مني تروح
واظل اشتاكلك اني

هاية اللحظة بجتني
هاية الفركة كسرتني
من كد ما وراك ابجيت
حتى عيوني ملتني

بهذا اليوم
يكمل عام
من يوم اللي فاركتك

وتعرف ليش
ما ناسيك
لان وحدك تذكرتك

جنت اتوقع الايام
هية اللي تنسيني

بس الذكريات اهواي
وامحي البينك وبيني

ناس اليمي ملتني
وحدي بهمي خلتني
وحشة بدونك ايامي
منك ليش بعدتني