كلمات حيوا ملكنا

حيوا ملكنا وحيوا دارنا حيه
تحيه بسم كل الشعب نهديها
هذا السعودي وهذي السعوديه
الله يعز اهلها ويعز واليها

ياقبله الارض منصوره ومحميه
راياتك الخضر فوق الشهب عليها
ياد ارنا كل ابونا لك فداويه
يامن لعينك حياض الموت نرويها

فينا الكرم والشجاعه فيك ماريه
تشهد لنا حاضر الدنيا وماضيها
قولو لمنهو عليها ناوي نيه
وشلون تنوي وفينا واحد فيها

الجيش جيش الوطن ماهوب عاريه
ولا تخضع الروس غير لوجه باريها
والدار محكوم شرقيه وغربيه
بحر العرب من جنوب الى شماليها

محمد محمد الي ماحد زيه
علم بنا فاول الدنيا وتاليها
الامر محسوم والدعوه سعوديه
الى عنان السماء لازم نوديها

الدرب مرسوم والرؤيه حقيقيه
يا باني الجيل بانت لك مواريها
ونسقيك من رايح الامزان وسميه
تزهر فياض الحبيب ومن سكن فيها

العشق عشق الوطن والحب يابنيه
ننساه دون الرياض ولاجل اراضيها
عاشت بلاد الحرمين السعوديه
الله هو اللي عظيم الشان حاميها

حنا هل الحرب لامن ثارت الهيه
واهل السلام وهل التوحيد راعيها
ياذخر الاسلام يادار العروبيه
تفديك الاوطان والارواح نفديها