كلمات ابو اليمنى القوية

ليكابل العراقي راح يدوخ لمن يلكه
مستقتل يسد الهدف حارسنه دنكه دنكه
لو كامره عنده الكمر ينزل يطكلك صوره
اويلي يل لعبك يدرس مهم ع الصبوره
فدواه وجهك يالعراقي هله يابو الغيره
اليلعب كبالك خسر راح انقفل مصيره

علي ركض راوغ لعب لايمن ضربها كله
خل الشعب هذا الشعب يفرح يغني خله
وشلون جابوها
بالهدف خلوها
ولد العراق اليوم
رايتنه علوها
سووها سوووها
والدنيه كلبوها
الطوبه مثل الروح
حلفو مينطوها
سبحانه من خله العراقي دمه فاير يلعب
دخيل الله شكد جسر مملوح كلش ينحب
مثل الاسد يمشي بتباهي يهزه هز الملعب
متعلم يصيد وابد مايوم عنده تصعب
يمين يسار لعب مصار يفرها فر الدنيه
هذا البطل ابن البطل ابو اليمنه القويه
فرحونه محتاجين احنه اليوم منكم فرحه
هذا الوطن مجروح وانتو طيبوله جرحه